تخورفنا ومشي الحال

أعلنت سيريتل مؤخرا عن طرح خدمتها الجديدة انترنت 3 جي... وهي انترنت بسرعة تحميل فعلية 100 كيلو بايت بالثانية...سعر الاشتراك 15000 ليرة ، وعرضوها في معرض شام 2007 علما ان من يشترك الآن في الفترة التجريبية ويتخورف بـ15000 سوف يحصل على اشتراك مجاني مفتوح طيلة الفترة التجيبية يعني 3 أشهر... والله اشتريتها ورجعت متخورف ومبسوط ع البيت...اشتغلت عليها يومين زمان واليوم الثالث قطعت...اتصلنا على خدمة الزبائن ....وكانوا مخبين لي مفاجأة....قال منعتذر منك استاذ...انت تجاوزت حد الخدمة يلي هو واحد غيغا بالشهر....وهنا كانت المفاجأة...مو على أساس مفتوحة...؟؟؟؟؟؟؟؟ والله يا أستاذ قرار جديد منعتذر منك ... وهيك يا شباب طبعا بعملية حسابية بسيطة ، تبين معي أنو سرعة الداونلود 100 كيلو بالثانية ، يعني 6 ميغا بالدقيقة..يعني 360 ميغا بالساعة... وبالتالي 1 غيغا هي عبارة عن 3 ساعات انترنت...بالشهر وبعبارة أخرى أنا طلعت دافع 15 الف ثمن 3 ساعات انترنت...يعني الساعة بـ5000 ليرة والله عيب يا سيريتل....يا جماعة إذا ما معكن مصاري الحمد لله البلد معباية جمعيات خيرية...عيب ه الأسلوب يا سيريتل...الشعب السوري عم ينحت الصخر كرمال يجيب كم ألف ليرة آخر الشهر...مو مشان تبيعونا ساعة الانترنت بخمس تالاف... آل شو ؟ اشترك بهذه الخدمة وشاهد أفلام دي في دي على الانترنت ... إزا الدي في دي الواحد حجمو 4 غيغا... يعني أنا كل شهر بنزل ربع دي في دي ...وبالتالي كل أربع شهور بشوف دي دفي دي ....كنتو هيك أحكو... مو تقولو استاذ معك حجم داونلود مفتوح...ومدة مفتوحة....ليش الكزب يا سيريتل؟؟؟؟بس والله عيب... إزا حدا من القراء مستعد يشتريها مني ....تكرم عيونو ، على فكرة بتفتح الجزيرة لايف لمدة 3 ساعات متواصلة بالشهر

نقلا عن موقع عكس السير

ههههههههههههههههههه...تعيش وتاكل غيرها