ااااااااااه من النت و زمانه

[ابو الجوج]

يا جماعة عم حاول اليوم انو ما خلي قسم الا و لازم نحط في موضوع :
لهيك انا حابب فشلكم قلبي عن اللي عم شوفو كل يوم بغرف الدردشة الصوتية كل يوم .
بالاول منشان ما تقولو انو عم اتبلى حدا انا مشرف باحدى الغرف الصوتية بموقع كتير مشهور عنا بسوريا و الشي اللي بدي احكي هو :

العالم بالايام هي ما ضل فيها لا حس و لا ناموس و لا خجل بتلاقي الكل مو عرفان ليش طلعت الدردشة الصوتية على فكرة انا بحبها اكتر من المنتدى لان اي حوار بينفتح بيكون وجهات النظر فيه مباشرة و ما بدك تستنى رودو و بتكون ردود الموجودين بالغرفة عفوية و صادقة
اما بالفترة هي صارت العالم تفوت منشان تحب و تتمعشق و الا اخره بتلاقي تنين فاتو عالغرفة بحبو بعض الله يهنيهم بس بدن يفرجو العالم كلو على حكيهم و لا كانو في شي اسمو برايفت يعني لازم الكل يعرف انو هن حبو بعض منشان تكبر الفضايح اللي هن ما عم يحسبو حسابها . انا واحد من الناس اللي بلشت اكره الرومات الصوتية كتر ما عم شوف فيها شغلات بتخجل و غالبا بتصل لحد بيهز البدن .

انا مو متدايق من شي بس زعلان على هالزمن اللي خلا النت عنا ملتقى للعشاق و لمسخرة والكلام الفاضي ...
بتمنى اللي عندو وجه نظر معاكسة او اي فكرة جديدة يطرحها حتى نقدر نتتناقش فيها ..

[sham]

أنا بالنسبة الي ما بتنازل و بدخل لأي غرفة دردشة لأنو ببساطة غرف الدردشة بتحط من قيمة الإنسان و هالمساخر مو بس بتهين و بتدايق كمان

[Ahmad S]

ابو الجوج بالنسبة الي بحس انها كلام فارغ مش اكتر وانت لازم تاخد بالقياس انو النت سيف ذو حدين بالنسبة لي انا ما بحب ادخل على اي غرفة دردشة صوتية او كتابية بس عشان اتعرف لانو بحس نفسي بكدة فيها حاجة ناقصة يسلمو ابو الجوج وانتبه دايما انو قلبنا وقلبي مفتوح لهمومك واحنا بالخدمة فش خلقك

[د.عبد الله]

آآآآآآآآآآآآآآآآآآآآآآآآآآآآه من النــــــــــــــــــــــــــــت

[إياس]

عزيزي أبو الجوج بس بحب قلك أنه أنا من بعد اذنك عدلتلك كم كلمة بالموضوع ...يعني بس استبدال الهمزات اللي على نبرة بقاف أو همزة عادية ليتوضح المعنى بس مو أكتر لأنه ما فهمت شي بالبداية.....



غرف الدردشة متلا متل أي اختراع غربي وصل النا لكن نحنا وكالعادة استخدمنا الجزء السلبي منه فقط وبصورة كتير بشعة...

أكيد بالامكان الاستفادة من الغرف الصوتية بالتحدث مع الأقارب اللي برا البلد في حال عدم وجود ماسنجر


والكتابية أيضا ( قد ) يكون لها فائدة...لاأعرف

لكن أنا شخصيا حاولت كثيرا أن استفيد من غرف الدردشة الكتابية لطرح أفكار ومواضيع قيمة لكن دائما كنت اصطدم بواقع غريب ومخزي وحسيت حالي بين طلاب مدرسة صغار وكل واحد مقضيها مزح وبياخات عالتاني وبغالب الأحيان بيكونو قاعدين بصالة انترنت وحدة...


و الناس اللي حكيت عنهن حضرتك كتير مسيئين لهالتقنية اللي بين ايديهن وكرسوها ليظهرو مستواهن الفكري والتربوي المتدني جدا ويبثو السموم بالمجتمع



حسبنا الله ونعم الوكيل


ولفتة حلوة منك

ولنا عودة

[أبو يزن]

ولا يهمك أبو الجوج موكل أصابيعك متل بعضها وان خليت خربت ...يعني ممكن تلاقي غرف صوتية ما بتحوي الا المرتبين أمثالك ..بس ولكن هي الغرف صاااااااااااااااااااااااااارت نااااااااااااااااااااادرة