هم ....ما بعدو هم

[sham]

أنا حابة فش خلقي و احكيلكن عن همي الأول و اللي هو البكلورياااااااا
على الرغم من اني من الطالبات الأوائل لكن المجاميع المخيفة اللي عميطلبوها للجامعات خلتني شك بقدراتي ما عدا القرارات التعسفية اللي عم تطلع كل يوم شاركوني همي و عطوني آرائكم إذا بتحبو

[إياس]

Sham



الهم اللي عبتحكي عنو مرينا فيه وفعلا بظن انه البكالوريا هيي أول عقدة كبيرة بيمر فيها الشخص خصوصي انه لسه بيكون ببداية عمره ونضوجه



طبعا أنا عبحكي من تجربتي الخاصة فيها واللي اتضمنت طبعا ( كالعادة ) إعادة للبكالوريا..



وكان دايما السيد نضال زغبور يفاجئنا بمقابلات مع عدد من المختصين بالامتحانات من وزارة التربية وكان يحلالن هيك لقاءات إلا بالفترة الحرجة الأخيرة قبل الفحص واللي بيكون فيها الطالب حساس لأي كلمة بتنقال وبيضل مهموم ومشغول لدرجة بيفكر حالو وكأنه ما درس شي رغم عذابه بالسنة كلها..



وكل مرة كانوا يطلعو باختراع ويوهمونا انه رح تتغير طريقة الامتحان ...أو يحسبو علامة التربية الدينية ...أو يمنعو الاعادة ...وكتير كلام مو بوقتو....

بس اياكي تنشغلي فيهن...



وتابعي مسيرتك وكأنه كلشي عادي ....لأنه صدقيني طالما انتي دارسة المنهاج ومقتنعة باسلوبك فمهما كانت طريقة الأسئلة فبالتأكيد رح تلاقيلا اجابات



وشوفي اسئلة الدورات وولاحظي أنه بالسنوات الأخيرة عبيجيبو مسائل موجودة بالكتاب و أحيانا بنفس المعطيات..

واذا تخيلتي حالك طالبة بدورات التسعينات رح تقولي انك هلأ بألف خير لأنه على هديك الأيام كانت الأسئلة معظمها ( نكشات ) وأمور غير متوقعة أو مألوفة..



لا تفكري بالاعادة أبداً ولو اني بأيدها لأنه مفيدة....لأنه كلشي بوقتو حلو



ويوم اللي رح تقرري فيه الاعادة أو لا بعيد كتير لسه والمهم خليكي عايشة يومك الحالي... بدال ما تشتتي ذهنك بالمستقبل...





وأكيد في نقطة بيعانو منها كل الطلاب ...الأهل والمجتمع ...وكأنه هو الآمال كلها معقودة عليه

كمان لا تهتمي....



Sham

أنا ما بقصد انه قلك انه البكالوريا كتير سهلة ...بس بكرا لما تصيري بالجامعة رح تضحكي على حالك كتير وتقولي يا الله ما أسهل البكالوريا كانت...وكمان ما بقصد خوفك من الجامعة...



بس اسلوب البكالوريا كتير ضيق ومكرر وما بتبين بكتير حالات امكانيات وذكاء الطالب..











وللحديث بقية....

[sham]

شكراً كتير إياس لأنك سمعتني و صدقني كتير حكيك طمني و انشاء الله تكون أسئلتنا نحنا الأدبي مكررة متل مسائل العلمي
و شكراً مرة تانية

[إياس]

العفو ولو واجبنا..

أيوه ..طلعتي أدبي ...مع انه لازم كان يخطرلي من كتاباتك المميزة..

رح نعتبر الموضوع لسه مفتوح للحكي ما هيك؟...

[sham]

أكيد مفتوح للحكي لأنو موضوع البكلوريا بدو كتييييييييييييييييييييييير حكي و كلام

[Ahmad S]

يوهههههههههههه حاملة هم الباكلوريا تعالي وشوفي هم الجامعة عما نركض وما عما نلحق ادرسي نهايتك حقوق مقبرة الجامعة

[أبو يزن]

شام...انشالله لما بتتجاوزي البكالوريا وتفوتي الجامعة رح تشوفي البكالوريا روضة ادام الجامعة..أبو يزن

[إياس]

شو القصة شباب؟

اذا خوفناها من الجامعة رح تبطل تقدم بكالوريا ...وبالتالي ما رح نكون فدناها بشي....

المخلوقة حابة تحكي عن همها هيي...

اما همومنا نحنا فما رح تنفعها بالوقت الحالي...ما هيك؟

[أبو يزن]

على كل الله يوفقها بهي وهي......أبو يزن

[sham]

شكراً كتير يا شباب و على اهتمامكم
شكراً إياس لأنك عم تراعي ظروفي النفسية و عنجد حسستني أنو صار الي مو بس أخين لا صارو ثلاثة

[إياس]

وأنا كمان صار عندي 3 اخوات كمان....

أو بالأحرى 300